Prishtina ka shënuar fitore të madhe në udhëtim tek Ferizaj me rezultat 5-0, në kuadër të xhiros së shtatë në Superligën e Kosovës.

Një ndeshje e cila nisi me shumë tensione me mbërritjen e “Plisave” në stadium, ku u pritën keq nga “Ujqërit” dhe pati tensionet mes tyre në tribuna. Kjo bëri që ndeshja të ndërpritet për disa minuta deri në zbrazjen e stadiumit, shkruan Arbresh.info.

Me të rifilluar takimi Prishtina u hodh në sulm dhe në minutën e 29-të përmes Ardian Mujës realizoi pwr 0-1.

Katër minuta para fundit të pjesës së parë Milevski realizoi edhe golin e dytë. Kurse në minutën e 10-të shtesë, Zeqiri shënoi për 0-3.

Edhe në pjesën e dytë Prishtina nuk u ndal dhe me anë të Blendi Baftiut realizoi për 0-4 në minutën e 68-të.

Golin i cili i dha vulë fitores e shënoi talenti, Rin Ahmeti nëntë minuta para fundit.

Me këtë triumf, kryeqytetasit prijnë në tabelë pas shtatë xhirosh me 16 pikë, një më shumë se Ballkani kurse Ferizaj është i fundit me gjashtë pikë./Arbresh.info